دیرناق آراسی یازیلار

شعرلر و نوت‌لار

دیرناق آراسی یازیلار

شعرلر و نوت‌لار

دیرناق آراسی یازیلار

هر شئی‌دن اؤنجه اؤزومو شاعیر بیلیرم. سونرا ادبیات، دین، فلسفه و آردینجا بیر آز دا سیاست.
اما هر شئیین آرخاسیندا گیزلنمکدن قاچماغی دوشونورم. منجه شعر، دیل، وطن و ... اخلاقین قوللوغوندا اولمایینجا اؤز قونومونو ایتیریر . بیز یاشایان جوغرافییادا هر شئی‌دن آرتیق اخلاقین یئری بوش گؤرونور.

----
منیمله ایلگی قورماق اوچون بو سیته‌دن باشقا:
heydarbayat{@}gmail.com
و
قم - صندوق پستی
1161 - 37135

سجاده دیشاریسیندا دپرم (شعر 16)

Saturday, 22 February 2014، 05:14 PM
بیلیرسیز
هردن او گئجیکنده
سیاسته ده فیکیرلشرم 
عاغلیما سیغمازدی بیر گون
آنا ایله باشلانان بیر سؤز بیرلشیمی
سیاسال آنلام داشیسین.

 
نسه آنا!
ایندی باشقا بیر دیلده سجاده‌ اوستونده تسبئح چئویریرسن
و سیاستچی‌لر
سنه نفرتله باخیرلار
اونوتماییبسان کی بیر گون
«لای لای دئدیم یاتاسان» اوخوموشدون اؤز دیلینده.

آنا! 
هئچ عاغلیقا سیغمازدی 
سن ده بیر گون 
سیاست قونوسو اولاسان 
و ادبی‌لشمه‌میش دیلده اوخودوغون ماهنیلار
ده‌پرم سالا دیل قوروملارینین بیناسینا
ایندی دوزونو دئ
باشقا دیلده تسبئح چئویررکن 
نه ایسته‌ییرسن تانریدان؟
سئوگیلیمین ایتگین آیاق ایزلرینه ایشیق سالماغینی
یوخسا سنین سجاده دیلینه آلیشماغیمی
یوخسا، تانریم! اوخودوغوم لایلایلاری اونوتسون اوغلوم دئییرسن
بیلمه‌ییرم
آنجاق 
سجاده دیشاریسیندا دپره‌مدیر آنا
سجاده دیشاریسیندا
آنا!

2 اسفند 90

سید حیدر بیات

  • سید حیدر بیات

باخیشلار (۰)

هئچ باخیش یازیلماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">