دیرناق آراسی یازیلار

شعرلر و نوت‌لار

دیرناق آراسی یازیلار

شعرلر و نوت‌لار

دیرناق آراسی یازیلار

هر شئی‌دن اؤنجه اؤزومو شاعیر بیلیرم. سونرا ادبیات، دین، فلسفه و آردینجا بیر آز دا سیاست.
اما هر شئیین آرخاسیندا گیزلنمکدن قاچماغی دوشونورم. منجه شعر، دیل، وطن و ... اخلاقین قوللوغوندا اولمایینجا اؤز قونومونو ایتیریر . بیز یاشایان جوغرافییادا هر شئی‌دن آرتیق اخلاقین یئری بوش گؤرونور.

----
منیمله ایلگی قورماق اوچون بو سیته‌دن باشقا:
heydarbayat{@}gmail.com
و
قم - صندوق پستی
1161 - 37135

غوربت پیرسیییشلاری

Sunday, 18 June 2017، 08:22 PM

 آد گونومون اوستوندن سووشماق ایستیردیم بو ایل. هر ایل بیر شام یاندیریب کئچمیش ایلین مزاری اوستونده سؤیله‌نه‌جک آغینی گیزله‌ییب دئییب گولمکدن. آنجاق کوچه‌ده گلرکن بیر نئجه قوجاکیشینی دووار دیبینده اوتورموش گؤردوم. بیریسی تورکمن چای طرفیندن‌دیر، سکسان یاشیندا چوخ دیللی باشلی و اوزو گولوشلو بیر قوجا. همیشه منی گؤرنده اوزاقدان دیندیرمه‌یه باشلار. اوروجلوق آخشاملاری آما چوخ سوسقون و رنگی و روفو قارالمیش دورومدا باشینی سالیب اوتورور دووار دیبینده. سلام جاوابی آلماغا بئله گیری قالمیر. بو گون بو قوجالارا باخدیقدا اؤز اؤزومه دئدیم: گؤرنه پیرسیییبلار دووارین دیبینده. همیشه کی کیمی یئنه سؤزجوکلر اووسونلادی بویوله‌دی بیله‌می... دوشوندوم کی اؤزومه بیر بیوگرافی یازسام آدینی "غوربت پیرسیییشلاری" سئچه بیلرم.

پیرسیماق (pırsımaq) کلمه‌سینی سؤزلوکلرده تاپمادیم. بیزده  آشیری یورغونلوقلا بلیرسیز بیر دورومون بیر بکله‌ییشین بلکه‌ ده بکله‌مه‌ییشین ایچینده اولوشان دوروما دئیرلر. بو دورومدان یارانان ائیله‌مه‌ده پیرساماق دئییلیر: پیرسادی آدامین اوستونه و ...

  • سید حیدر بیات

باخیشلار (۰)

هئچ باخیش یازیلماییب
ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">