دیرناق آراسی یازیلار

شعرلر و نوت‌لار

دیرناق آراسی یازیلار

شعرلر و نوت‌لار

دیرناق آراسی یازیلار

هر شئی‌دن اؤنجه اؤزومو شاعیر بیلیرم. سونرا ادبیات، دین، فلسفه و آردینجا بیر آز دا سیاست.
اما هر شئیین آرخاسیندا گیزلنمکدن قاچماغی دوشونورم. منجه شعر، دیل، وطن و ... اخلاقین قوللوغوندا اولمایینجا اؤز قونومونو ایتیریر . بیز یاشایان جوغرافییادا هر شئی‌دن آرتیق اخلاقین یئری بوش گؤرونور.

----
منیمله ایلگی قورماق اوچون بو سیته‌دن باشقا:
heydarbayat{@}gmail.com
و
قم - صندوق پستی
1161 - 37135

۱۱۳ مطلب با موضوع «نوتلار» ثبت شده است

بو گونلر سایخاشلاریمدا ایتدیگیمیزی دوشونورم. تورک دیلی وار، آذربایجان وار اما بیز یوخوق. بیزیم نسیل، آذربایجان دئییب قارانلیق کوچه‌لری گزیب دارتیشان، سویوق ‍پارکلارین تانیشی و هیجانلا سیگارالاری آرد آردا آلیشدیران.

  • سید حیدر بیات

۱

بیر طلبه دئییردی: بعضی میللتچیلر منه دئییرلر نییه ناماز تورکجه قیلینماییر؟

او طلبه دئییردی کی ماراقلیدیر بو مسئله‌نی اورتایا قویانلار اؤزلرینه سورمورلار چونکی بونلار ناماز قیلمازلار بلکه ده دئییرلر سیز نییه نامازینیزی تورک دیلینده قیلمیرسینیز؟

  • سید حیدر بیات

هئچ بیر مئیدان اؤلو گؤردونوزمو؟ اؤلو بلکه داها یاخشی اولا، بیر مئیدان یاری جانلی، بیر مئیدان یاریسی اؤلموش یاریسی اؤله‌جک، بعضیلری دیریلیب چیخیب اؤلولری آتلایا آتلایا قاچاجاق گئجه قارانلیغیندا...

  • سید حیدر بیات

مهرین بیرینجی گونو ارسلانین صینیفداشلاری کیلاسدا اونا لهجه‌سینه گؤره ایراد توتوبلار. ارسلان ایسه اونلارا بئله جاواب دئییب: یوخ سیز یانیلیرسیز بو ایراد دئییل. من ایکی دیل بیلیرم سیز بیر دیل. من ایکی خطده اوخویا بیلیرم سیز بیر خطده. بو اصلینده منیم اوستونلویومو گؤستریر سیز گرک اونو وورغولایاسیز. 

سونرا بو ایکی خط مسئله‌سی اوشاقلاری ماراقلاندیریب و کیلاسدا لاتین حرفلری اوزرینده بحث گئدیب و ارسلان اؤزلجه انگلیسجه ایله تانیش اولان اوشاقلارا تورک -لاتین حرفلریله انگلیس- لاتین حرفلرین فرقلرینی آچیقلاییب.

  • سید حیدر بیات

شعر کیتابی آدی اوچون "دؤردونجو تکیل شخص ضمیری" نئجه‌دیر؟

فارسجاسی اولور: ضمیر چهارم شخص مفرد

دوستلار نظرلرینی عمومی یا خصوصی هر نئجه  یازسالار ممنون اولارام.

  • سید حیدر بیات

بعضی چییینلری، سون باشینی دایایاجاق دیوار کیمی گؤرر اینسان. هر دؤنه دایاغا احتیاجی اولدوقدا باشینی دایاماز. او سون آن گلدیکده، اینسان باشینی گتیرر، فقط او چیین‌ اما باشی آلماز. باش، بوش حجمه یاخالانیب دوشر.

ایندی بئله بیر سوال وئرمک اولار: اینسانین ایللر بویو او چیینه گووندیی دوغرو بیر توتوم ایمیش؟ چون کی او گوونج، اینسانین زامان بویونجا آیاق اوسته قالا بیلدیینی ساغلاییبدیر. ایندی اونو یئره ییخسا دا.

تکی اینسان او چییینه بیر آددیم قالان اؤزو ییخیلسا، آتالارین اوشاقلاریلا گولشدیکده ییخیلدیقلاری کیمی. یانی گووه‌نج‌لر‌ ده چوخلو زامان بیر اوشاق، بلکه بیر آددیم داها ایره‌لی، بیر قولچاق‌دیرلار. بیر قیزین گئجه‌لر قوجاغینا آلیب یاتدیغی قولچاق کیمی. آنجاق او قولچاق نه قدر باش قاتیجی، غیر جیددی سانیلسا دا، دونیانین ان جیددی وارلیقلاریندان بیریسی‌دیر. ساده‌جه آغلایاندا اونو باغرینا باسسان دا، اوندان الینه دسمال آلیب گؤزلرینی سیله‌جه‌یینی اوممایاجاقسان. بئله بیر توهمه قاپیلدینسا اویونون قوراللارینی سن پوزوبسان و سوچو اؤز یانیندا آختارمالیسان.

او سون آن باشینی دایایاجاغین چیینین ده ماجراسی بئله‌دیر. باشینی هئچ زامان اونا دایاما، آنجاق اونو دانسان قولچاقسیز بیر قیز اوشاغی قدر اومودسوز و یالنیز قالا بیلرسن.

راوی دئییر: آنجاق بعضن او سون آنین گلمه‌سی قاچیلمازدیر...

  • سید حیدر بیات

 

قاپالی توپلوملار تک سسلی اولور. عاشیقلر کیمی. اونلار هر یئرده اؤز سسلرینی آختارارلار. باشقا سس ائشیدنده داشا باسماسالار، دیک باخیب باشلارینی آشاغی سالیب یوللارینی داوام ائدرلر.

مجنونون آتاسی اونو کعبه‌یه آپاردی. کعبه یولوندا مجنون داغی گؤردو. بیر شعر اوخودو داغا، داغدا

  • سید حیدر بیات

بیرینجی دؤنه دوه قوشو کلمه‌سینی ائشیدنده بونون فارسجادان (شتر مرغدان) گرته اولاراق ترجمه اولدوغونو سانمیشدیم. آنجاق عربجه‌ کیلاسیک قایناقلارینین بیرینده بئله بیر مطلب گؤردوم.

و هو طائر معروف، مرکّب من صورتی جمل و طائر، و لذلک تسمیه الترک: دواقش

  • سید حیدر بیات

هر بیر میللتین و امتین تاریخی گله‌نک‌لر، سنت‌لر و اینانجلارلا دولودور. بو گله‌نکلر زامان، مکان سوره‌سینده تاپیلیب اولوشوبدور. بونلاردان هانیسی بیزلره ضررلی هانیسی ایسه بیزه قازانجلی اولا بیلر. بیزه قالان سووخالارلا قالینتی‌لار ایچینده صوفیه و متکلم‌لرین قالینتی‌سی

  • سید حیدر بیات

زنجانی بودن به نوعی غریب زیستن و انزوای مدام است. چه در خود زنجان باشی چه بیرون از آن.

این جملات میتوانند بسیار کلی‌گویانه و رومانتیک تلقی شوند. اما واقعیتی است که هست  و با تمام عینیت و تصلب خود پیش روی ما ایستاده است. همه ما به نوعی زنجان گریز و زنجان ستیز هستیم.

  • سید حیدر بیات