دیرناق آراسی یازیلار

شعرلر و نوت‌لار

دیرناق آراسی یازیلار

شعرلر و نوت‌لار

دیرناق آراسی یازیلار

هر شئی‌دن اؤنجه اؤزومو شاعیر بیلیرم. سونرا ادبیات، دین، فلسفه و آردینجا بیر آز دا سیاست.
اما هر شئیین آرخاسیندا گیزلنمکدن قاچماغی دوشونورم. منجه شعر، دیل، وطن و ... اخلاقین قوللوغوندا اولمایینجا اؤز قونومونو ایتیریر . بیز یاشایان جوغرافییادا هر شئی‌دن آرتیق اخلاقین یئری بوش گؤرونور.

----
منیمله ایلگی قورماق اوچون بو سیته‌دن باشقا:
heydarbayat{@}gmail.com
و
قم - صندوق پستی
1161 - 37135

۵۲ مطلب با موضوع «شعرلر» ثبت شده است

کپنکجه‏ سینه گلیر اللریم

ساچلارینین آتشینه

گوندوز گون ایشیغی دا اولسا

اللریم

یئنه ساچلارینا گلر

  • سید حیدر بیات

طرح: فرهاد ماجد

  • سید حیدر بیات

قارانلیقدا بیر سرخوش ساغری داشا چالسا

سینماسا ساغر

یووارلانیب قالسا بیر کول آلتدا سسسیز صداسیز

  • سید حیدر بیات

سیخینتلار چوخ اولاندا اینسان اخلاقی آچیدان یئنیلیر. داورانیشلارینا حاکمیتینی ایتیررکن ان سئودیگی و سئویملی ساندیغی اینسانلاری اینجیده بیلیر. اونلار سونرا باغیشلاسالار دا باغیشلاماسالار دا، بو داورانیشلار اینسانین کیشی‌سل یاشام تاریخینده بیر لکه کیمی میخلانیب قالارکن، کیمسه اونو گؤرمه‌سه‌ ده آنجاق اینسان اؤزاؤزلویونده آرا بیر او لکه‌، لکه‌لری دوشونرکن اؤز ایچینده یئنیلیر. 
 هر بیر سیخینتی سونا چاتیر اما بو لکه‌لر ماجراسی هئچ زامان بیتمیر.اینسان ایسه بو آچیدان موطلق موتلو دئییل.

  • سید حیدر بیات

یالان سؤیله‌دیلر اؤنجه سؤزجوکلرین واراولدوغونو
سؤزجوکلر شیطان دونیاسیندان سیزمیشدیلار

بیزی یوخ ائتمه‌یه

و گرچه‌یی

*

اؤنجه اینسان دئیه بیر سؤزجوک قویدولار دیلیمیزه و آییردیلار بیزی داشدان سودان بالیقدان قوشدان
  • سید حیدر بیات

اللرین بئشینجی عونصور ایدی
تورپاقدان سودان یئلدن و آتشدن سونرا
و سئوگیدن قاباق
وسئوگیدن سونرا
اللرین سئوگینی سینیرلاندیراردی 
وارلیق سینیرلاناردی اللرینده
واللریندن ائشیگه بیر شئی یوخودو
 و اللریندن ائشیگه من یوخودوم

  • سید حیدر بیات

سوردو: پنجره‌نی اونوتموش بیر شاعیر ایشیقدان نئجه یازا بیلر؟

 ایشیق سئوگیسینه قاپیلیب اونوتدو پنجره‌نی

 او اوزدن

ایشیقدان یالنیز او یازا بیلر

دئدی

  • سید حیدر بیات

سحر یئللری منی آپاراجاقسا آپاراجاقسا آپاراجاقسا اؤزویله یوخلوق یوردونون هاراسیزلیغینا، گلمیرم دئمرم ساده‌جه سورارام هاردان گلیرسیز سیز؟

من یوخلوغا او دئمه‌سه بویون اه‌یمه‌رم

دوغرودور او اول دئمه‌دی من یاراناندا

  • سید حیدر بیات

بیلیرسن اؤکوز بوینوزو دا قافیه‌دیر

دوه قولاغی دا

سن ایله من ده

 اینک آیاقلارینین ایچ قافیه‌سی وار

و ان قورخونج قافیه

ایلانین هاچا دیلی‌دیر


و ان یالنیز مصراع منم  

کرگدن بوینوزو کیمی

تاریخین دیبینده ایتیر


  • سید حیدر بیات

هئی بورالاردا اسن یئل

یالنیز قوش قووانلاری قورخوداجاقسان

قارغالار بئله اوچوب گئدیبدیلر بورادان

من

من نه‌یی گؤزله‌ییرم؟

دئییرلر اسکی بیر کاغید پارچاسی بورالاردا ایتیب

اوزرینده منیم آدیم یازیلمیش‌ایمیش

سن، سن او کاغیذ پارچاسینی گؤرمه‌دین‌می

سن

سن منیم آدیمی بیلیرمیسن؟






---

قوش قووان: مترسک


  • سید حیدر بیات