دیرناق آراسی یازیلار

شعرلر و نوت‌لار

دیرناق آراسی یازیلار

شعرلر و نوت‌لار

دیرناق آراسی یازیلار

هر شئی‌دن اؤنجه اؤزومو شاعیر بیلیرم. سونرا ادبیات، دین، فلسفه و آردینجا بیر آز دا سیاست.
اما هر شئیین آرخاسیندا گیزلنمکدن قاچماغی دوشونورم. منجه شعر، دیل، وطن و ... اخلاقین قوللوغوندا اولمایینجا اؤز قونومونو ایتیریر . بیز یاشایان جوغرافییادا هر شئی‌دن آرتیق اخلاقین یئری بوش گؤرونور.

----
منیمله ایلگی قورماق اوچون بو سیته‌دن باشقا:
heydarbayat{@}gmail.com
و
قم - صندوق پستی
1161 - 37135

فضولی گئجه‌لرینده نئچه جلسه فضولی شعری ایله تورکیستان - چاغاتای ادبیاتی‌نین سیخ ایلگیسیندن سؤز آچدیم. آنجاق او زامان نوایی و قوتادغو بیلیکدن باشقا، آیری قایناقلار الیمده یوخودو. فضولی‌نین معروف حمام غزلینی عرب شاعریابونواسین ائتگی‌سینده یازیلدیغینی ظن ائدیردیم. 
  • سید حیدر بیات
بیزه دلی‌لیگی میراث قویوب گئتمه‌دیلر، آخماقلیقلار میراث چاتدی بیزه. بیزیم نسیل گلن نسیللره دلیلیک آدلی بیر شئی قویوب گئده بیلسه، اوغورلو بیر نسیل ساییلار.

  • سید حیدر بیات

سنسیز کیملیک داشیماییر بو شهر

منه سیجیل وئرمه‌دیلر 

فقط بیلمیرم 

داشدان یارانان کرم‌‌می‌یم

یا آغاجدان یارانان پینوکیو؟

  • سید حیدر بیات

نئچه‌نجی چیلله‌دیر سعیدی گؤره بیلمیریک. سسینی بیله ائشیتمکدن محروموق. هر کس هر نئجه دوشونور دوشونسون من بئله آنلاردا اوتوروب آغلیرام.

  • سید حیدر بیات

هرات، مصر و فرغانه نوسخه‌لری

 بو یازی، آزجا آرتیرمالار و اویغونلاشدیرمالارلا، پروفسور احمد ارجیلاسونون "تورک دیلی تاریخی" کیتابیندان آلینمیشدیر.

 

هرات نوسخه‌سی 842نجی هجیری ایلده هراتدا، "امیر تیمور"ون دؤردونجو اوغلو "معین الدین شاهرخ"ـون درباریندا یازیلمیشدیر. امیر تیمور زمانیندا اصیل تورک دیلی و اسکی تورک خطی (اویغور الیفباسی)،

  • سید حیدر بیات

آلما یولونو باغلایاندا اؤزومه سؤز وئرمیشدیم یئنی سایت آچسام قطعن قوتادغو بیلیک نوتلاری ایله باشلایب داوم ائده.

بو نده‌نی گئرچکلشدیرمه‌یه سورکلی چالیشسام دا هله قوتادغو بیلیک قونوسوندا نوتلاریمی

  • سید حیدر بیات

بیر بالاجا قارداشیم وارایدی نئچه هفته‌لیک ایدی بیلمیرم، خسته اولموشدو. آتام تهراندا خسته خانادا ایدی. منیم ایسه آلتی یاشم اولار اولماز. صبح یوخودان گؤزومو آچدیقدا گؤردوم آنام کورسونون او بیری بوجاغیندا ایچینی چکیر. منه باخیب دئدی: سئیید حیدر 

  • سید حیدر بیات

یارالاریما دا بیر شئی سؤیله

اونودوبلار اونلار

یارانیش تاریخلرینی

  • سید حیدر بیات

هر دؤنه بیر شئی یازاندا  سؤزلوگه باخمالییام. بو دؤنه ده گرک باخام گؤرم:  قای‌ننه یازیلمالی یوخسا قایین آنا... آنا...

بلکه ده تورکلر بیر چوخ اؤلکه‌لرده بو مین ایللیکده هئچ زامان سؤزجوکلرین بیر چوخونو نئجه یازاجاقلاریندا قطعی قرارا چاتا بیلمه‌ییبلر. هله چوخو دا بو دیلین مکتوب بیر دیل اولدوغونو ایسته‌مه‌ییبلر. حیات ایکی دوزئی‌ده گئدیر بیزیم ایچیمیزده. اوخشامالار جان یاندیریجی‌دیر. هانسی عصیرلردن یادیگار قالان آغیت هاوالارینی یالنیز اؤلوم اوزه چیخاریر. رسمی دیل بیر قیراغا قویولور، شریعت بیله گله‌نکلری اونایلاییب، امضالاماق زوروندا قالیر، نامحرملر ده سسی ائشیدیرلر ائشیت‌سینلر: ننه ننه اوی ننه... ننم باجیم اوی...

هله پیئر بوردیو بورادا اولسایدی حتمن آروادلارین کیشی‌لرله یاناشی گلمه‌سینه دیققت ائده‌جه‌یدی؛ فمنیسم حرکاتلاری مزارلیقلاردا دا اوزونو گؤستریر، داها قادینلار دوشمه‌ییرلر ارککلرین دالیسینجا، اونلارین یانیندا اوزون بیر ایکی اوچ قات شریط کیمی اوزانیرلار تابیتین یانیندان حیاتا کیمی.

خانیم دئییر یادیندا ننه‌نین ساچلارینی اوخشادین جان وئرندن سونرا، من ده آنامین ساچلارینی اوخشادیم...

ساچلار گؤمولور، گؤمولمه‌ییر قالیر اوخشایانین اللرینده، بئینینده، حیاتین بو تاییندا... بئش کیتابلیق فیکیرلشیرم خسته خانادان مزارلیغا، و یورولورام بئش عؤمورلوک، یاساق بیر آد آهیمی دولدورور... آچیب قوتادغو بیلیگه باخیرام: آی تولدونون ساراییندا اولکر اولدوزو پارلاییر، آی گونشین یولونو گؤزله‌ییر، یورغونام آی تولدو!... یولداشلار هر طرفدن باش ساغلیغی وئریرلر... آی تولدو  گولومسه‌ییر: هامیسی ساغ اولسونلار.


---

آی تولدو: آی دولدو، دولون آی، قوتادغو بیلیکده گئدن اساس شخصیت‌لرین بیریسینین آدی. بو شخصیتی چوخ سئوه‌رم ... امیر علیشیر... هرات...

  • سید حیدر بیات

 

سون یوز ایللیک‌لرده ساوه منطقه‌سینده باش وئرن طبیعی اولایلاری همیشه اوزانلار آنلادیبلار. بؤیوک قحط‌لیک گتیرن قیشین ماجرالارینا تیلیم خانین شعرلرینده راست گلمک اولار  و او بؤلگه‌‌ده گلن داغیدیجی ودیده‌رگین سالان سئلین اولایینی عاشیق رضعلی
  • سید حیدر بیات